అమెరికా ఎన్నికల ప్రచారంలో అమీర్ ఖాన్​ పాట

భారతీయ అమెరికన్​ ఓటర్లను ఆకర్షించేందుకు డెమొక్రటిక్​ పార్టీ తీవ్రంగా ప్రయత్నిస్తోంది. అందులో భాగంగా ప్రముఖ బాలీవుడ్​ చిత్రం 'లగాన్'​ చిత్రంలోని 'ఛలే ఛలో' పాటను ప్రచారం కోసం వాడుకున్నారు. బైడెన్​-హారిస్​కు ఓటు వేయాలంటూ రీమిక్స్​ చేసి ఆ పాటను విడుదల చేశారు.

అగ్రరాజ్య అధ్యక్ష ఎన్నికల్లో భారతీయ-అమెరికన్​ ట్రెండ్​ నడుస్తోంది. ఎన్నికలకు మరో 50 రోజుల సమయం ఉన్న నేపథ్యంలో భారత సంతతి ఓటర్లను ఆకర్షించేందుకు రిపబ్లికన్లు, డెమొక్రాట్లు తీవ్రంగా ప్రయత్నిస్తున్నారు. ఈ క్రమంలో డెమొక్రాట్ల​ అభ్యర్థి జో బైడెన్ ప్రచారంలో భాగంగా బాలీవుడ్ స్టార్​ హీరో​ పాట రీమిక్స్​ను విడుదల చేశారు ఆయన మద్దతుదారులు.

బాలీవుడ్​ సూపర్​హిట్​ చిత్రం 'లగాన్​'లోని 'ఛలే ఛలో' పాటను ఇందుకు ఉపయోగించారు. "ఛలే ఛలో.. ఛలే ఛలో.. బైడెన్​ కో ఓట్​ దో, బైడెన్​ కి జీత్​ హో.. ఉన్​కి హార్​ హా" అంటూ సాగే ఈ రీమిక్స్ పాటను సిలికాన్​ వ్యాలీకి చెందిన బాలీవుడ్​ గాయకుడు తిట్లీ బెనర్జీ పాడారు.

• " class="align-text-top noRightClick twitterSection" data="">

బైడెన్​-హారిస్​కు మద్దతుగా..

ప్రముఖ వ్యాపారవేత్తలు, భారతీయ అమెరికన్​ దంపతులు అజయ్​-వినితా భుటోరియా ఈ పాటను విడుదల చేశారు. "ఇది ఒక పోరాట గీతం. నవంబరులో బైడెన్-హారిస్‌కు మద్దతుగా నిలిచి ఓటు వేసేందుకు భారతీయ సమాజాన్ని ప్రేరేపిస్తుంది" అని అజయ్​ పేర్కొన్నారు.

బైడెన్​-హారిస్​కు మద్దతుగా అజయ్​ విడుదల చేసిన రెండో వీడియో ఇది. భారత్​, జమైకా సంతతికి చెందిన కమలా హారిస్​కు ఇండో అమెరికన్ మద్దతు కూడగట్టేందుకు ప్రయత్నిస్తున్నట్లు అజయ్ తెలిపారు. బైడెన్​-హారిస్ జోడికి దక్షిణాసియా ఓటర్లలో 80 శాతం మద్దతు ఉందని అన్నారు.

కీలక రాష్ట్రాల్లో..

అమెరికాలో నవంబర్​ 3న అధ్యక్ష ఎన్నికలు జరగనున్నాయి. అమెరికాలో సుమారు 25 లక్షల మంది భారత సంతతి ఓటర్లు ఉన్నారు. ముఖ్యమైన రాష్ట్రాల్లో గెలుపోటముల్లో భారతీయ అమెరికన్ ఓటర్ల పాత్ర కీలకంగా ఉండనుంది. ఈ రాష్ట్రాల్లోనే 13 లక్షల మంది ఓటర్లు ఉన్నారు.

ఇదీ చూడండి: ఉపాధ్యక్ష అభ్యర్థిగా కమల ఎంపికకు కారణాలేంటి?